«Пĕтĕм чăваш диктанчĕ – 2019» иртрĕ
«Пĕтĕм чăваш диктанчĕ – 2019» иртрĕАка уйăхĕн 25-мĕшĕнче Чăваш патшалăх педагогика университетĕнче «Пĕтĕм чăваш диктанчĕ – 2019» лапамĕ ĕçлерĕ. Диктант çырма пухăннисене чăваш тата вырăс филологийĕн факультечĕн деканĕ Татьяна Витальевна Денисова, Чăваш Республикин вĕренÿпе çамрăксен политикин министрĕн çумĕ Алевтина Николаевна Федорова, Чăваш наци конгресĕн вĕренÿ комитечĕн председателĕ Геронтий Лукиянович Никифоров, Чăваш наци радиовĕн редакторĕ Алексей Александров саламларĕç.
Кăçал диктант валли Владислав Николаев журналист тата çыравçă хатĕрленĕ «Мăнаçлăхăмăр, мухтавăмăр… » текста суйласа илнĕ. Ăна «Тăван радио» редакторĕ Маргарита Мельникова вуларĕ.